Аж үйлдвэржилтийн үндэсний хорооны анхдугаар хуралдааны шийдвэрийг үндэслэн “Аж үйлдвэржилтийн үндэсний зөвлөгөөн”-ийг Аж үйлдвэржилтийн үндэсний хороо, Уул уурхай, хүнд үйлдвэрийн яам болон “Эрдэнэс Монгол” ХХК-тай хамтран 2023 оны 5 дугаар сарын 26-ны өдөр зохион байгуулав. Зөвлөгөөнд Улаанбаатар хот болон 21 аймгаас төрийн болон төрийн бус байгууллага, их, дээд сургууль, аж ахуйн нэгжийн төлөөлөл, эрдэмтэд, зэрэг нийт 1200 гаруй оролцогчид оролцож аж үйлдвэржилтийн сэргэлтийн талаар хэлэлцлээ.